Për shumë njerëz, puthja në buzë është shenjë afeksioni dhe dashurie, ndërsa për shumë të tjerë është e kundërta.
Një fotografi e postuar pak kohë më parë nga David Beckham, i cili puthte në buzë vajzën e tij, shkaktoi shumë polemika në rrjetet sociale.
Por më në fund, Beckham vendosi të thyejë heshtjen për të sqaruar njëherë e mirë të gjithë zërat, që iu kundërvunë asaj që ai e quan “shprehje të dashurisë”.
“U kritikova për puthjen time me vajzën në buzë. Unë i puth të gjithë fëmijët në buzë”,- është shprehur ai për “The Sun”, duke vijuar: “Brooklyn ndoshta jo. Ai është 18 vjeç dhe do të dukej disi e çuditshme nëse do ta bëja me të këtë gjest”.
Kishte edhe nga ata që e akuzuan David si pervers, ndërsa shumë të tjerë e mbështetën. Por ky fenomen është përsëritur edhe nga ish-Miss Shqipëria, Adrola Dushi.
Ajo ka publikuar një fotografi së bashku me të birin, Troi, ku shihet duke u puthur në buzë së bashku me djalin e saj. Këtë foto ajo nuk ka hezituar që ta ndajë së bashku me miqtë e saj në “Instagram”, duke iu bashkuar ish-sportistit dhe prindërve të tjerë që preferojnë t’i puthin në buzë fëmijët e tyre.
