Kujdesuni për atë që shikon fëmija juaj në “YouTube”, pasi kjo video mund t’i kushtojë jetën. Personazhi i quajtur Momo shfaqet në mes të videove për fëmijë dhe u tregon si të lëndojnë veten apo të kryejnë vetëvrasje. Nëse ata u tregojnë për videon prindërve, ajo kërcënon se t’i vrasë të gjithë familjen.
Ndërsa “Sfida Momo” është rikthyer sërish në “YouTube” dhe “Instagram”, të gjithë prindërit kanë treguar shqetësimin e tyre për fëmijët, të cilët janë çdo ditë të ekspozuar me botën e internetit.
Dhe Adrola Dushi është një prej tyre! Ish-Miss-i shqiptar bën një publikim lidhur me lojën vdekjeprurëse, ndërsa i bën thirrje prindërve që të kenë në kontroll atë që shohin fëmijët para celularit apo kompjuterit. Madje ajo këshillon që të shmangin “YouTube” nga jeta e fëmijëve.
“Jam e shokuar nga çfarë po ndodh në botën e internetit. Si nënë e një djali, si hallë, si një vajzë e rritur me shumë dashuri, lus të gjithë prindërit të kenë nën kontroll programet që shohin fëmijët në YouTube, nëse do të ishte e mundur ta shmangnin fare këtë aplikacion nga jeta e fëmijëve. Të gjithë bashkë mundemi, fëmijët duhet t’i mësojmë të duan. Bota sot ka nevojë për ne, t’i tregojmë ç’mund të bëjë dashuria. Ju lutem të ripostoni dhe të bëni thirrje për bojkot… Sot jam zgjuar nga gjumi si një nënë e shqetësuar, e ardhmja e fëmijëve është përgjegjësia jonë”, shkruan në postimin e saj Adrola.
https://www.instagram.com/p/BuYIvXOAR0H/
Në foton e publikuar në Instagram prej saj sqarohet që, pavarësisht se mund t’ju duket si një video normale për fëmijë, në mes të saj shfaqet personazhi në fjalë.
“Sfida Momo” nisi fillimisht verën e 2018-s, ku një personazh i frymëzuar nga një film horror u kërkonte fëmijëve të bënin gjëra të rrezikshme dhe dërgonte mesazhe shqetësuese. Videot e Momo-s nxitën vdekjen e dy fëmijëve vitin e kaluar, ndërsa vazhdojnë të qarkullojnë në “YouTube” dhe “Instagram”. Këto dy të fundit ende nuk kanë gjetur një zgjidhje për bllokimin e videove.
Burimi: Instagram
