Ish-miss Shqipëria, Adrola Dushi e ftuar në emisionin “Xing me Ermalin” foli për herë të parë për ndarjen e saj nga bashkëshorti, por edhe për synimet që ajo ka tashmë në jetë.
Prej disa vitesh bukuroshja shqiptare po e zhvillon karrierën e saj si modele në SHBA, por mbrëmjen e djeshme i habiti të gjithë me vendimin që ka marrë.
Adrola deklaroi hapur se ajo ka përjetuar shumë gjëra në jetën e saj dhe tashmë mendon se është koha që t’i përkushtohet djalit të saj, Troit.
“Po e ka menduar të heq dorë nga karriera.Kur mendoj për jetën time më duket si një film. Atë që kam përjetuar unë është shumë e madhe. Një vajzë e vogël që vjen nga Rrësheni, bëhet miss,bëhet mami, martohet dhe kur ndaloj them me vete, ‘Unë i kam bërë këto?’. Shpeshherë ndihem e dobët.
E vetmja gjë që duhet të marrë kohën time është Troi. Nuk po mendoj të heq dorë përfundimisht nga karriera, por do tërhiqem se nuk vazhdoj dot më. Po humbas shumë nga koha e Troit. Ai po bën 5-vjeç dhe kam gati 2 vite që i mungoj shumë. Ndihem vërtetë shumë keq dhe nuk do t’ia fal vetes”, u shpreh Adrola në “Xing me Ermalin.
