Të flasësh për ndarjen apo divorcin nuk është aspak e lehtë. Ndaj modeles dhe ish-Miss-it shqiptar, Adrola Dushi, iu desh shumë kohë për të folur hapur para kamerës, për arsyet pse mori fund martesa me Adisin.
“Martesa nuk ishte gabim, por unë dhe Adisi ishim shumë të rinj. Nuk mendoj se është as faji im, as faji i Adisit për ndarjen tonë. Është thjesht faji i situatës, Troi erdhi shumë herët në jetën tonë. Pse nuk funksionoi do të ngelet mes meje dhe Adisit”, u shpreh Adrola e ftuar në emisionin “Xing me Ermalin”.
E pyetur nga moderatori për marrëdhënien e saj me ish-bashkëshortin, modelja tha:
“Marrëdhënia jonë është shumë e mirë tani, aq sa na takon. Flasim me njëri-tjetrin, kur bëhet fjalë për Troin jemi gjithmonë bashkë. Nuk jemi ndarë me sherr e shamatë, kjo është gjë e mirë. Troi vdes për babin, për gjyshërit, takohen shpesh. Troit nuk i mungon as mami, as babi, as gjyshërit. Troi është ajo qershia mbi tortë në familjet tona”.
Dyshja u bë prindër 5 vite më parë, ndërsa Adrola aktualisht jeton prej disa muajsh në SHBA.
