Pavarësish se Adi Krasta është një imazh i njohur prej mbi dy dekadash për ekranin shqiptar, ai shumë privat për familjen e tij. Por projekti i fundit i Ambasadës amerikane i titulluar “Baballarë dhe Vajza”, e bëri gazetarin dhe moderatorin e njohur të bëjë diçka që nuk e kishte bërë kurrë më parë.
Në një spot sensibilizues të postuar nga Ambasada në rrjetet sociale, Krasta shfaqet për herë të parë me të bijën. Dyshja babë e bijë shihet duke ngarë biçikletat, teksa në sfond dëgjohet zëri i moderatorit që shprehet se do t’i ofrojë asaj mbështetjen në udhëtimin e jetës.
“Jemi shumë të ngjashëm ne të dy. Dhe kur të vazhdosh udhëtimin tënd unë do të jem gjithmonë aty për të mbështetur”, thotë Adi Krasta.
Projekti “Baballarë dhe vajza” sjell në fokus marrëdhënien mes baballarëve dhe bijave dhe nxitjen e tyre në suksesin e vajzave në të gjithë botën. Mes personazheve të tjerë të njohur për publikun, shfaqet edhe ambasadori Donald Lu me vajzën e tij.
Burimi: Facebook
