Ajo është cilësuar si zëri më i mirë i viteve të fundit, ndërsa këngët e saj kanë qenë më të dëgjuarat. Ndaj jo pa arsye, nëpër koncertet e këngëtares Adele në turnet e saj, biletat shiten në kohë rekord, duke bërë që shumë prej fansave të saj ta kenë tejet të vështirë, për të gjetur një biletë.
Këngëtarja 28-vjeçare ka mbyllur turneun e saj botëror këtë fundjavë në Zelandën e Re. Por ajo shokoi me deklaratën që ka bërë para mijëra spektatorëve që po e ndiqnin live.
“Ky do të jetë turneu im i fundit. Nuk mendoj se të bërit turne është pika ime e fortë. Duartrokitjet më bëjnë tepër të ndjeshme. Nuk e di nëse do të bëj më turne. E vetmja arsye që unë kam bërë turne rreth botës keni qenë vetëm ju”, ka thënë këngëtarja në mbyllje të performancës së saj, duke lënë të shokuar 40.000 fansa të pranishëm në stadium.
Adele sapo përfundoi turneun e saj prej 15 muajsh dhe ndoshta lodhja e muajve të gjatë duke kë nduar nëpër botë, e ka bërë atë të marrë këtë vendim. Urojmë që këngëtarja britanike të ketë thjesht nevojë për një pushim, për të marrë veten dhe shpresojmë që ky pushim të mos jetë përgjithmonë.
Burimi: Daily Mail
