Këngëtarja e njohur Adele dha një mesazh të përzemërt gjatë një koncerti në Belgjikë kushtuar viktimave të Orlando-s. Ajo ja kushtoi performancën e saj 49 viktimave të klubit të natës, që u qëlluan për vdekje nga agresori Omar Mateen.
27-vjeçarja nuk i përballoi dot emocionet dhe shpërtheu në lot në momentin që po këndonte këngën në nder të viktimave.
E gjithë bota është tronditur nga ky sulm dhe shumë artistë kanë shprehur mbështetjen e tyre ndaj familjeve të viktimave dhe ndaj LGBT. Të njëjtën gjë ka bërë edhe Adele: “Unë do të doja ta filloja sot këtë shfaqje duke bërë një dedikim për të gjithë viktimat e Orlando-s,” tha ajo.
Në fjalimin emocional mbajtur në arenën Sportpaleis mbrëmjen e së dielës, Adele u shpreh se ajo është vërtetë zemërthyer nga tragjedia dhe e përshkroi komunitetin LGBT si “shpirtin e saj binjak”.
Omar Mateen vrau 49 persona të pafajshëm dhe plagosi 53 të tjerë pasi hapi zjarr brenda klubit të natës “Pulse” në Florida, para se të qëllohej nga policia, mëngjesin e së dielës.
Burimi: Daily Mail
