Ndërsa promovonte albumin e saj “25”, vitin e kaluar, ajo tha se nuk e ndjente stimulimin për të shkruar këngë të trishtueshme dashurie, sepse mëmësia e kishte bërë atë kaq të lumtur.
Por 28-vjeçarja Adele zbuloi tani në një intervistë për “Vanity Fair” se, pasi ajo dhe partneri i saj Simon Konecki pritën fëmijën e tyre të parë, djalin Angelo në 2012-n, atë e kapi një periudhë depresioni pas lindjes.
Kur u pyet nëse planifikon të ketë një tjetër fëmijë, Adele u shpreh se nuk e beson, duke shpjeguar: “Jam shumë e frikësuar. Kisha një depresion të keq pas lindjes së djalit dhe më frikësoi… Nuk fola me askënd për të. Nuk isha e gatshme”.
Ajo ndoqi këshillën e Simon-it dhe kaloi kohë me mikeshat e saj nëna. “Një ditë i thash një shoqe, “E urrej këtë” dhe ajo ia plasi të qarit dhe tha, “Edhe unë e urrej këtë”. U ndjeva shumë e papërshtatshme. Ndjeva sikur kisha marr vendimin më të keq të jetës sime. Përfundimisht i thash vetes, do t’i jap kohë vetes një pasdite në javë dhe të bëj gjithçka që dua pa fëmijën tim”.
Burimi: Vanity Fair
