Adele përflitet prej kohësh për një lidhje dashurie me reperin, Skepta. Madje burime pranë saj thanë me siguri për The Sun se dyshja janë realisht në një marrëdhënie dhe se ndihen shumë mirë në shoqërinë e njëri-tjetrit.
Por këngëtarja i ka hedhur poshtë të gjitha thashethemet dhe i ka treguar gjithë botës se është single. Në një postim në Instagram, këngëtarja ka folur mbi eksperiencën e saj si prezantuese në spektaklin Saturday Night Live.
“Kam kaluar kohën më të bukur Saturday Night Live! Faleminderit për kastin më të mrekullueshëm, grupin, skenaristët dhe producentët“, ka shkruar Adele duke falenderuarmë pas të gjithë një më një.
“Paç fat Amerikë në zgjedhje! Ju dua shumë. Kujdesuni për njëri-tjetrin dhe merreni me qetësi. Gëzuar Halloween-in! Po kthehem prapë në shpellën time tani për të qenë një mace beqare! Paqe deri vitin tjetër“, ka shkruar Adele.
Këngëtarja dhe Skepta u përfolën për herë të parë për një lidhje në shtator të vitit të shkuar. Adele para pak kohësh i dha fund martesës me bashkëshortin e saj, Simon, me të cilin ka një djalë të quajtur Angelo.
