Dusty Rose Levine, ky është emri i veçantë që ylli i grupit Marron 5, Adam Levine dhe modelja e Victoria’s Secret, Behati Prinsloo zgjodhën për vajzën e tyre të sapolindur.
Ndërkohë dje, çifti zgjodhën që të publikojnë një foto me vajzën. Në të dukej trupi i këngëtarit me tatuazhet e tij që e karakterizojnë dhe vogëlushja që qëndron në kraharorin e tij dhe fle si një engjëll.
Supermodelja 27-vjeçare, lindi të mërkurën më 21 shtator në L.A. e rrethuar nga familja dhe një burim për “Us Weekly” konfirmoi se çifti, të cilët ishin përpjekur për një lindje në shtëpi, janë shumë të gëzuar.
Levine, 37 vjeç, i qëndroi pranë gruas së tij gjatë gjithë javës, madje anuloi edhe një koncert të hënën kur Prinsloo ishte gati për të lindur.
“Adam ishte në sallën e lindjes duke mbajtur duart e Behati-t. Ata dy u përlotën kur ajo lindi. Të dyja familjet janë atje tani”, thotë një burim për E! News. “Foshnja është e bukur. Ajo duket si Behati”.
Burimi: TMZ
