Behati është duke i qëndruar pranë burrit të saj!
Behati Prinsloo u pa në prapaskenë në shfaqjen e Adam Levine me Maroon 5 në Las Vegas të shtunën mbrëma, ka mësuar Page Six.
Performanca shënoi daljen e parë publike të Levine që kur ai u akuzua për tradhtinë e gruas së tij shtatzënë dhe për dërgimin e mesazheve flirtuese femrave të ndryshme në Instagram.
Levine, u ngjit në skenën në MGM Grand Hotel gjatë fundjavës si pjesë e, The Event, e cila u ndoq nga yje si Rob Gronkowski, Camille Kostek, Logan Paul dhe Flavor Flav.
O’Neal, i cili më parë lavdëroi Levine në mes të skandalit, dha publikisht mbështetjen e tij pas këngëtarit ndërsa fliste në ngjarje.
“Adami është një mik i imi nga [shumë] kohë më parë. Unë gjithmonë i them vetes, e dini, nuk mund të jem hipokrit”, shpjegoi legjenda e NBA-së, që më parë ishte martuar me Shaunie Henderson nga viti 2002 deri në 2011.
“Tani, unë nuk isha bashkëshorti më i madh në botë, kështu që vetëm për shkak se kam një platformë të madhe për momentin nuk më jep të drejtën të shaj njerëzit e tjerë. Ai është i mrekullueshëm, ai po bën diçka për fëmijët, ai ka qenë gjithmonë i tillë. Unë jam i lumtur për të. Dhe i uroj fat”- tha ai.
Ish-lojtari i Los Angeles Lakers, 50 vjeç, po i referohej pretendimeve të fundit të bëra nga modelja Sumner Stroh, e cila – së bashku me disa gra të tjera – akuzoi Levine për dërgimin e mesazheve të papërshtatshme në Instagram.
Stroh pretendoi në një video të shpërndarë për TIkTok se ajo kishte një lidhje njëvjeçare me muzikantin, i cili ndan vajzat Dusty Rose, 5 vjeç dhe Gio Grace, 4, me Prinsloo, 34 vjeç. Supermodelja aktualisht është shtatzënë me fëmijën e tyre të tretë.
Levine më vonë pranoi se kishte dërguar mesazhe të papërshtatshme që “kapërcenin kufirin” në një deklaratë të shpërndarë përmes Instagram Story. Megjithatë, ai mohoi të ketë pasur ndonjëherë një lidhje.
“Shumë flitet për mua dhe dua të sqaroj. Unë përdora gjykim të dobët kur flisja me dikë tjetër përveç gruas sime në ÇDO lloj mënyre flirtuese”, shkroi Levine në fillim të këtij muaji. “Unë nuk kam pasur një lidhje, megjithatë, kam kaluar kufirin gjatë një periudhe të penduar të jetës sime.”
