Rastet e abuzimeve me ndihmën ekonomike në Shqipëri nuk janë të rralla.
Skema e re e ndihmës ekonomike që u pilotua fillimisht në 4 qarqe tani po aplikohet në të gjithë vendin. Shumë qytetarë kanë protestuar nëpër zyra këto ditë për shkak se janë hequr nga listat e pagesave.
Në këto kushte zv/ministrja e Shëndetësisë dhe Mirëqenies, Bardhylka Kospiri, raportoi sot me fakte konkrete disa raste abuzimi, të cilat sistemi i pikëzimit i kapi në kohë dhe disa familjeve iu ndërpre menjëherë ndihma, pas verifikimeve në terren nga punonjësit e njësive vendore.
Rasti 1.
Një familje kishte 4 makina dhe paga deri në 1.5 milion dhe përfitonin ndihmë ekonomike në mënyrë abuzive.
Rasti 2.
Një familje kishte dy dhe makina dhe një vilë dy katëshe.
Rasti 3.
Një familje kishte dy makina.
Ajo sqaroi se kjo skeme e re garanton, që pagesa e ndihmës ekonomike të shkojë te familjet më në nevojë dhe se për herë të parë kanë patur mundësi aplikimi 18 mijë aplikues të rinj, të cilët deri dje përjashtoheshin për shkak të kritereve përjashtuese të skemës së vjetër. Kjo skemë funksionon përmes regjistrit elektronik, i cili duke qenë i lidhur me të gjitha sistemet online, të tatimeve, zyrave të punësimit, të hipotekave, drejtorisë së transportit dhe sigurimet shoqërore eliminon abuzuesit. Ndërkohë këto fonde nuk copëzohen më, por jepen të plota, pra ndihma jepet e plotë dhe është 8000 lekë.
