Shqiptarët janë populli më në formë në rajon, por nga ana tjetër po rritet edhe obeziteti. Kështu raporton Organizata Botërore e Shëndetit.
“Reneë Bariatrics” ka përpiluar një hartë botërore me të dhënat për obezitetin në shtete të ndryshme.
Sipas këtyre të dhënave, Shqipëria ka prevalencë obeziteti prej 17.6%. E krahasuar me fqinjët, ka prevalencën më të ulët, ku Mali i Zi, ka 20%, Greqia, 22.9%, Maqedonia ,19.6% dhe Serbia, 19.5%.
Edhe për fëmijët, statistikat tregojnë një rritje të dimensioneve të kësaj sëmundjeje.
Krahas kequshqyerjes dhe fëmijëve nënpeshë, edhe fëmijët mbipeshë dhe obezë po shndërrohen në fenomen shqetësues.
