SPAK ka vënë në pranga ish-drejtorin e RTSH-së, Thoma Gëllçin.
Për shkak të abuzimit me tenderat publikë, ndaj tij është dhënë masa sigurisë arrest me burg.
Po ashtu tre punonjës të tjerë të RTSH-së kanë përfunduar me të njëjtën masë sigurie për shkelje të barazisë në tendera.
Meqë drejtësia e vonuar “foli” tani pritet që të dënohen dhe kolegët që ushtrojnë të njëjtin aktivitet korruptiv.
“Iconstyle.al” ka denoncuar prej kohësh veprimtarinë korruptive të ish-drejtorit të RTSH-së, Thoma Gëllçit, duke nisur që nga tenderi i Festivalit të RTSH-së (një shumë prej 41.882.550 lekësh të rinj), abuzimi me taksat e shqiptarëve për ndeshjet e UEFA Champions League (3.2 milionë euro për 18 ndeshje futbolli), po ashtu tender 400 milion lekë për arkivën e televizionit.
“Gjykata bazuar në nenet 228 e vijues; 244 dhe 245 të Kodit Procedurës Penale
VENDOS:
1. Caktimin e masës së sigurimit personal “arrest në burg”, të parashikuar nga neni 238 të Kodit të Procedurës Penale ndaj personit nën hetim Thoma Gëllçi, i biri i Jani dhe i Krisanthi, lindur më 27.12.1961, në Kolonjë dhe banues në Tiranë, i dyshuar për kryerje të veprës penale “Shpërdorimi i detyrës”, parashikuar nga neni 248 të Kodit Penal”, thuhet në dokumentin zyrtar ku ish-drejtori i RTSH-së dyshohet për kryerje të veprës penale “Shpërdorimi i detyrës”.
/iconstyle.al
