Tifozët kuqezi në Hamburg dhuruan spektakël dhe krijuan atmosferë festive para ndeshjes Shqipëri-Kroaci. Kjo tërhoqi vëmendjen e policëve gjermanë, të cilët për disa minuta “u zhveshën” dhe ata nga detyra e tyre dhe u bashkuan me tifozët shqiptarë.
Dy prej tyre, iu bashkuan valles së bashku me tifozët kuqezi nën ritmet e muzikës popullore, duke lënë për disa minuta detyrën e tyre e për t’ju bashkuar gëzimit të shqiptarëve.
@iconstyle.al Policia gjermane “zhvishet” për pak minuta nga detyra dhe i bashkohet tifozëve shqiptarë🦅🇦🇱
Ndërkohë që në Gjermani policët bëhen njësh me tifozët, duke lejuar të gëzojnë, e kundërta ndodh në vendin tonë.
Komunikimi me një shtetase gjermane nëpërmjet “Google Translate” i ka kushtuar vendin e punës një punonjësi të policisë, inspektorit me iniciale R.Xh. Ky i fundit u përpoq të sillej mirë me turistet e huaja duke përcjellë pozitivitet, por kjo sjellje (e cila në vende të tjera do ishte pranuar) bëri që atë ta largonin nga puna.
Korrupsioni tek instancat më të larta harrohet, por veprime të tilla, të padëmshme të një polici që po përpiqej të sillej mirë me turistët dënohen. Ligjet në Shqipëri e në shtetet e tjera të botës dukshëm kanë dallime të mëdha, por për Qeverinë Shqiptare duket se ne jemi duke i respektuar ato.
Ç’do thotë Policia shqiptare për sjelljen e kolegëve të tyre në Gjermani? Habiten që dy efektivët që kërcyen me shqiptarët ende nuk janë pezulluar nga detyra?
Epo, drejtuesit e Policisë shqiptare dhe Qeveria jonë duhet të mësojnë mirë se ku nis dallimi mes qytetarisë, sjelljes pozitive dhe asaj kriminale e korruptive!
