Këngëtarja me famë botërore, Rihanna mesa duket do i rikthehet muzikës. Ajo do të publikojë dy këngë, sipas Hits Daily Double.
Por mësohet se këngëtarja ka regjistruar këngët për për filmin “Black Panther: Wakanda Forever” që pritet të shfaqet në kinematë e ShBA-ve muajin tjetër.
Nga ana tjetër, kujtojmë se artistja me famë botërore po përgatitet për “Super Bowl”.
Këtë lajm e ka bërë me dije vetë artistja përmes një postimi në Instagram.
Ajo do të performojë në “Super Bowl Halftime 2023” në Glendale, Ariz dhe fansat janë që tani shumë të entuziazmuar.
Mirëpo, së fundmi këngëtarja është pyetur se si ndihet që tani për performancën e saj.
Ajo tha: “Jam nervoze, por jam e emocionuar”, raporton TMZ.
Rihanna u largua nga biznesi i muzikës duke u kthyer në një sipërmarrëse.
Në vitin 2017, ajo themeloi një kompani kozmetike të quajtur “Fenty Beauty”.
Pasi marka e saj fitoi emër, Rihanna erdhi me “Fenty Skin”, një linjë për kujdesin e lëkurës për të plotësuar biznesin e saj.
Pas kësaj, Rihanna filloi të shiste të brendshme me “Savage X Fenty”.
Sipas raportimeve, pas këtyre kompanive Rihanna u bë gruaja më e pasur në industrinë e muzikës. Megjithatë, pjesa dërrmuese e të ardhurave të saj vijnë nga linja e bukurisë dhe tekstilit.
