Ish-banorja e “Big Brother Albania”, Gerta Shino, është bërë së fundmi nënë për herë të parë. U desh pak kohë që në rrjete sociale, ajo të tregonte për ndjekësit emrin e bebushit të saj, megjithëse portretin e ëmbël ia pamë që herët.
Gerta dhe partneri i saj Florenti, kanë vendosur ta quajnë djalin e tyre Kai.
Përveçse aktive në rrjete sociale si Instagram, ish-banorja e BB është aktive me video edhe në kanalin e saj në Youtube. Gerta ka ndarë prej kohësh momente të ndryshme të jetës së saj, madje edhe kur ka bërë gjoksin operacion. Tashmë, ndjekësit janë kuriozë të dinë nëse gjoksi i bërë pengon në gjidhënien e fëmijës.
Kështu, Gerta ka treguar eksperiencën e saj, duke thënë se mjekësia ka përparuar dhe nuk ka asnjë problem.
Gerta dhe Florenti e kurorëzuan dashurinë e tyre me martesë në Korrik të vitit 2020.
“Ne hodhëm një hap drejt martesës. E martuar me dashurinë e jetës sime, nuk mund të isha më e lumtur”, shkruante Gerta krah fotos me partnerin e saj.
Tashmë që është bërë nënë, Gerta përpiqet të inkurajojë nënat e reja dhe ato që ende s’kanë lindur, për të pranuar dhe dashur fizikun e tyre edhe pas lindjes. Ajo vetë tregoi si dukej trupi i saj pas lindjes së Kait.
