Britney Spears ndau ditën e mërkurë gjithë historinë e trishtë të jetës së saj, si një personi i mbajtur nën kujdestarinë e të atit. Ajo tregoi se kjo kujdestari më shumë i ka dëmtuar jetën se sa e ka mbrojtur, ndaj i kërkoi gjykatës që kujdestaria të marrë fund sa më shpejt pa i bërë vlerësim. (KLIKO)
Mirëpo a mund të ndodh kjo gjë dhe sa mund të zgjasë ky proces? Tre ekspertë ligjorë kanë folur në lidhje me këtë çështje për “People”, të cilët nuk janë të përfshirë në çështjen e artistes.
Avokati i të drejtës familjare David A. Esquibias, tha se gjykatësi duhet të marrë mendimin e një eksperti mjekësor për të vendosur nëse kujdestaria duhet të marrë fund apo jo.
“Një gjyqtar është i detyruar të marrë të gjitha provat dhe në një çështje kujdestarie zakonisht këtu përfshihet një raport konfidencial i shkruar nga një punonjës social që interviston kujdestarin dhe gjithë anëtarët e familjes së shkallës së dytë. Bazuar në këto intervista, punonjësi social del në një konkluzion që ja shkruan si rekomandim gjykatësit. Gjykatësi merr këtë si evidencë dhe dëgjon dëshminë e kujdestarit dhe të ndonjë të afërmi të shkallës së dytë dhe të çdokujt tjetër që gjykatësi do të dëgjojë. Pasi merr të gjitha provat, gjykatësi merr vendimin. Prandaj është e vështirë që të merret një vendim pa mendimin e një eksperti mjekësor”, ka thënë Esquibias.
Ndërsa avokati i kujdesit shëndetësor e ka cilësuar këtë si një rast monstruoz, që është lejuar fatkeqësisht të vazhdojë më tej. Ai thotë se fakti që një person i famshëm dhe i fuqishëm si Britney Speaars i është nënshtruar një kujdestarie të tillë, minon besueshmërinë e sistemit të drejtësisë. Ai është shprehur se gjyakata mund të kërkojë të tjera vlerësime, por sipas tij janë të mjaftueshme provat aktuale për të vendosur që Britney nuk duhet t’ju nënshtrohet kontrolleve kaq të forta.
