A mund të bëhet Emily fiksimi i radhës i Joe? Po spekulohet mbi një kryqëzim të dy serialeve të suksesshëm.
Le të kthehemi pas me disa spoilerë: Joe (Penn Badgley) zbarkoi në Paris për të gjetur shoqen e tij të supozuar të shpirtit, Marianne (Tati Gabrielle). Ndërkohë, Emily (Lily Collins) u pa për herë të fundit duke balancuar marrëdhënien e saj me shefin Gabriel (Lucas Bravo) dhe miqësinë e saj me ish-in e tij, Camille (Camille Razat).
Ndoshta këta dy personazhe kanë më shumë të përbashkëta sesa dashuria për kapelet.
Shumë fansa të serialeve po spekulojnë se dy personazhet mund të gjenden në një udhëkryq romantik, madje edhe e dëshirojnë këtë gjë.
“You” është një serial televiziv thriller psikologjik amerikan i bazuar në librat e Caroline Kepnes.
Sezoni i parë, i cili bazohet në romanin You, u shfaq premierë në Lifetime në shtator 2018 dhe tregon Joe Goldberg, një menaxher librari dhe vrasës serial, i cili bie në dashuri dhe zhvillon një obsesion ekstrem. Sezoni i dytë, bazohet në romanin pasues të Kepnes, “Trupat e fshehur”. Seriali më vonë u zhvendos në Netflix dhe sezoni i dytë u publikua në dhjetor 2019. Sezoni tregon Joe ndërsa ai zhvendoset në Los Angeles dhe bie në dashuri e Love Quinn.
Në janar 2020, seriali u rinovua për një sezon të tretë nga Netflix, i cili u publikua më 15 tetor 2021.
“Emily in Paris” është një serial televiziv amerikan komedi-dramë i krijuar nga Darren Star, i cili u shfaq premierë në Netflix më 2 tetor 2020. Seriali tregon Lily Collins si Emily, një amerikane që shpërngulet në Paris për t’i ofruar një këndvështrim amerikan “Savoir”, një firmë franceze marketingu. Atje, ajo lufton për të pasur sukses në vendin e punës, ndërsa kërkon dashurinë.
