Vjeshta nuk ka përse të jetë e mërzitshme kur bëhet fjalë te veshja dhe stili.
Nëse jeni vërtet të interesuar për modën dhe dëshironi të ndiqni trendet më të fundit, “iconstyle.al” ju vjen në ndihmë me një rubrikë të veçantë me këshilla që blogeret më të njohura shqiptare do të japin për lexuesit tanë.
Vajzat e famshme të Instagramit do të na tregojnë trendet e vjeshtës duke sugjeruar 3 aksesorët apo veshjet “must” dhe si mund t’i kombinojmë ato.
Dhe meqënëse jemi në Muajin e Modës dhe aksesorët zënë një rëndësi të madhe këtë sezon, ne po ju sjellim disa këshilla për të zgjedhur ato më “in” që do t’ua zërë syri kudo këtë periudhë.
Fashionista e njohur Anxhelina Kotorri na ka ndihmuar duke na treguar 3 aksesorët e saj të preferuar të vjeshtës dhe si t’i kombinojmë:
1.Shamia që përdoret jo vetëm për në kokë
Aksesori më me stil i flokëve qenka betuar të qëndrojë këtu edhe këtë sezon vjeshte.
Edhe përse këtë kohë e shohim të përdoret në disa mënyra.
Jo vetëm “Pin Up Style” pra si detaj te floku, por duhet përmendur që përdoret si aksesor për ta vendosur te jaka, te çanta dhe jo vetëm.
2.Vathët dhe varëset në ngjyrë të artë
Vathët dhe varëset në ngjyrë gold janë rikthimi i viteve ’80-’90, ku ari dominonte si aksesor.
I shohim në çdo dyqan, veçanërisht stili i vathëve të mëdhenj, stili i “Chanel” dhe “Dior”.
Më interesant është versioni i vathëve me logon e markës që i bën të duken më trendy dhe të hijshëm.
3.Çanta si thes
Kushton pak dhe ia vlen. Vetë Anxhelina shprehet se që tani ka dy të tilla në koleksionin e saj të vjeshtës.
Çanta thes shkon shumë bukur me fustanet e lirshme stili Boheme, gjithashtu dhe atë Casual.
