Michael Schumacher do t’i nënshtrohet një tjetër operacioni nga një mjek i njohur botëror, në përpjekje për të rigjeneruar sistemin e tij nervor.
Ikona e Formula 1 pësoi një aksident të tmerrshëm me ski rreth 6 vjet e gjysmë më parë dhe gjendja e tij fizike është ruajtur me privatësi të madhe nga të afërm dhe familjarë.
Schumacher pësoi një dëmtim të rëndë të trurit në vitin 2013 dhe operacioni i fundit do të zhvillohet në ditët në vijim, sipas raporteve të mediave italiane.
Operacioni do të kryhet nga një profesor dhe kardiolog francez Dr Philippe Menasche. Ai është një pionier në fushën e mjekësisë, me famë botërore dhe ka operuar kampionin Schumacher më parë, shtatorin e kaluar.
Mjeku e njeh teknikën e ndërhyrjes në një zemër të dëmtuar dhe rezultatet kanë treguar se është një procedurë e sigurt. 51-vjeçari i Formulës 1, do të zëvendësojë qelizat e dëmtuara me qeliza të rigjeneruara nga palca e kockave ose gjaku.
Ai ishte në gjendje kome për gjashtë muaj pas dëmtimit në kokë nga aksidenti në vendpushimin popullor të Meribel në Alpe. Pas 254 ditësh u kthye në shtëpi, ku kryesisht ndodhet që nga ajo kohë.
Edhe pse specifikat janë mbajtur të fshehta, Jean Todt, ish-menaxher i Ferrari-t, tha vitin e kaluar se shëndeti i tij kishte përmirësime dhe se kampioni mund të shikonte garat e F1 në televizion.
