Leonora Jakupi ka dy vite që nuk publikon ndonjë projekt të ri.
Por sot, këngëtarja e njohur zbuloi në Instagram se po përgatit një bashkëpunim me një prej producentëve më të kërkuar të momentit nga këngëtaret shqiptare.
Ajo postoi një foto në studion e Irkenc Hykës, duke lënë të kuptohet se kënga e re do të vijë së shpejti.
Disa javë më parë, u publikua bashkëpunimi i Irkenc Hykës me Nora Istrefin, “Tymi Dashnis’”.
Ai ka bashkëpunuar edhe me këngëtaren Mimoza Shkodra, me Kaltrina Selimin si edhe me Xhensila Myrtezajn.
Por, ai është edhe producent i shumë këngëve në të cilat nuk ka kënduar.
Në përgjithësi, Leonora Jakupi ka parapëlqyer të këndojë solo, kështu që është për t’u parë nëse do të jetë një duet apo thjesht një këngë me produksionin e tij.
Kënga e fundit e saj ka qenë “Pa asnjë dyshim”, e publikuar në 2011-ën.
