Prej sezonit të ri televiziv moderatoren Arjola Shehu nuk e pamë më në “TV Klan”, ku prezantonte emisionin e gatimit “Kush vjen për drekë”.
Ajo nuk u shpreh në asnjë moment lidhur me arsyen e largimit, por vendin e saj e zunë Alfio Rrotani dhe Indrit Çela me emisionin “Sfida e gatimit”.
Vetëm tashmë Arjola është shprehur lidhur me të vërtetën e saj të largimit nga emisioni dhe ndoshta të gjithë i japim të drejtë.
“Mendoj që kam për të përjetuar gjëra të tjera, përpara se të bëhem një zonjë shtëpie”, tha moderatorja për “Thumb”, duke nënkuptuar se emisioni i gatimit nuk i përshtatej moshës së saj.
Duket se ajo kërkonte mundësi në një tjetër fushë, por që nuk iu dha nga ai televizion. Tashmë Arjola është zhvendosur te TVSH-ja, ku prezanton “Netët e klipit shqiptar”.
