Laguna Blu është shpesh gjëja e parë që na vjen në mendje kur dikush tregon për Islandën. Në fakt, 85% e njerëzve që udhëtojnë në Islandë e vizitojnë këtë vend. Ky është një artikull që ia vlen të lexohet para se të bëheni një nga 85% e atyre njerëzve.
Përgjigja për pyetjen se nëse laguna na shkatërron flokët, është jo. Kjo pasi uji në Lagunën Blu është i pasur me minerale, vitamina dhe alga. Së bashku këta elementë do t’ju japin flokëve forcimin dhe gjallërimin e nevojshëm. Uji është i njohur në mbarë botën për të qenë si magji për lëkurën tuaj, shkruan ‘Adventures.it‘.
Njerëzit udhëtojnë nga e gjithë bota për t’u zhytur në ujë dhe dihet se ndihmon me psoriazën, aknet, zbokthin, plakjen e lëkurës dhe ekzemën.
Pra, për ta përmbledhur, uji është në të vërtetë i shkëlqyeshëm për ju dhe flokët tuaj.
Por uji i Lagunës në shumë raste i bën flokët tuaj mjaft të çuditshëm. Mineralet në ujë do të veshin çdo fije floku duke e bërë atë të ngurtë dhe të ndihet i thatë edhe pse nuk është në të vërtetë.
SI REAGOJNË FLOKËT NDAJ UJIT TË LAGUNËS BLU
Llojet e ndryshme të flokëve do të reagojnë ndryshe ndaj ujit dhe mineraleve të tij. Disave do t’ju pëlqejë ajo që bën, të tjerëve me siguri jo!
Uji në Islandë, në përgjithësi, përmban një përqindje të lartë të sulfatit dhe mineraleve të tjera. Sulfati, për shembull, nuk është i mirë për trajtimet me keratinë, kështu që për ata që kanë pasur një të tillë, qëndroni jashtë ujit.
Laguna Blu është një vend i mrekullueshëm për t’u vizituar, uji është mahnitës dhe ndjenja e qëndrimit në të, thjesht e mahnitshme.
