“Renaissance: A Film by Beyonce” do të dalë më 1 dhjetor dhe do të “theksojë udhëtimin e e turneut botëror të artistes”, që nga fillimi i tij, në hapjen në Stokholm, Suedi, deri në finalen në Kansas City, Missouri.
Në trailerin e publikuar, këngëtarja 42-vjeçare ndan rutinën e saj të përgatitjes dhe shihet duke ushtruar me fëmijën e saj më të madh Blue Ivy, 11 vjeç, ndërsa përkushtohet edhe pas binjakëve të saj Rumi dhe Sir.
Traileri fillon me një pamje të Beyonces duke mbërritur në një nga vendet e turneut të saj.
“Kur jam duke performuar, nuk jam gjë tjetër veçse e lirë”, thotë Beyonce me zë të lartë, ndërsa shohim pamjet e saj duke u përgatitur për një performancë, duke ngrënë një sanduiç ndërsa skuadra e saj glam e bën gati për shfaqjen.
Ajo shton: “Qëllimi i këtij turneu ishte të krijonte një vend ku të gjithë të jenë të lirë dhe askush të mos gjykohet”.
“Fillo nga e para! Krijo të renë, kjo është ajo që ka të bëjë Renaissance”, thotë Beyonce, ndërsa shfaqen më shumë pamje të ekipit të saj në veprim.
Në përshkrimin e trailerit thuhet: “Bëhet fjalë për qëllimin e Beyonces, punën e palodhur, përfshirjen në çdo aspekt të prodhimit, mendjen e saj krijuese dhe qëllimin për të krijuar trashëgiminë e saj dhe për të zotëruar zanatin e saj”.
Sipas Billboard, Turneu Botëror i saj ka fituar 461.3 milionë dollarë deri më sot.
Është ‘turneu me fitimin më të madh nga një grua në arkivat e Boxscore’.
