Alesio Aliaj ka qenë i ftuar sot në programin “Pushime On Top”, ku ka folur për një koncert që ka në plan të bëjë në Shqipëri. Në një intervistë për moderatorin Flori Gjini, menaxheri i njohur ka thënë se ka në plan që të sjellë në Shqipëri këngëtarët e njohur botërorë, Ed Sheeran dhe reperin Drake.
“Kompania ime ka akses tek këta dy artistë prandaj kam qejf t’i sjell në Shqipëri. Dhe ju e dini që unë e mbaj fjalën”, është shprehur Alesio.
I pyetur nëse ka ndonjë artist shqiptar me të cilin nuk do donte të bashkëpunonte, ai është shprehur se ka shumë. Ndërsa përsa i përket debatit që pati dikur me këngëtaren Nora Istrefi, Alesio tha se deklaratat e tij ishin 150 mijë përqind të vërteta dhe se gënjeshtra nuk ka thënë kurrë.
“Qëkur kam ardhur në Shqipëri deklarata ime e parë ka qenë nëse s’më njeh mos më gjyko, por gënjeshtra s’kam thënë kurrë”, u shpreh ai.
Edhe me para ai pati reaguar për deklaratën e Norës duke publikuar një shkrim të gjatë në story, ku ndër të tjera thekson se Nora nuk ka aspak seriozitet në punën e saj, duke bërë me dije se këngëtarja as USB-në me këngët e saj nuk kishte marrë me vete në koncert.
Më tej, Alesio thekson se thjesht ka treguar eksperiencën e tij dhe se deklarata e tij nuk ul e as nuk ngre suksesin 15-vjeçar të Nora Istrefit.
