Argjira Spanca dhe Graciano Tagani janë një nga çiftet më të përfolur të momentit. Ata kanë vetëm pak muaj që kanë pranuar hapur lidhjen e tyre të dashurisë dhe kanë marrë plotësisht mbështetjen e publikut. Puna e tyre e përbashkët në televizion ishte ajo që i çoi drejt lidhjes dhe tashmë ata shijojnë bashkë çdo sukses të njëri-tjetrit.
Madje, prej disa kohësh Argjira dhe Graciano jetojnë bashkë dhe fansat janë tepër kuriozë të mësojnë çdo detaj për marrëdhënien e çiftit.
Ata të dy nuk i kanë kursyer intervistat, ndërsa së fundmi kanë “hapur thesin” në “Ëndërrtjerrësit”.
Argjira jetonte në Londër, mirëpo Graciano kishte bërë çmos që ta merrte pranë vetes. Ndaj, kishte futur “mik” edhe Erion Kurtin që t’i propozonte punë në ekran.
“Më mori në celular Ervin Kurti dhe më bëri ofertën, më tha që duhet të merresh me ca gjëra mode dhe nga aty e dija që nuk do të kthehesha më në Londër, sepse ato kohë po qëndroja në Londër jo në Shqipëri.”- tregoi Argjira.
“Unë i kisha thënë dhe më parë që të vinte në ‘Top Channel’ dhe më tha a je budall. Çdua unë në televizion? Pastaj futa Ervnin dhe gjithë kohës kam qenë mbrapa që Gjira të ishte në Tiranë dhe tani është këtu ku është. Sepse e doja të ishte afër meje dhe një projekt këtu do të na mbante afër.”- tha Graciano.
