T’i njohësh selfie-t do të thotë t’i duash, ose nëse i urren, kjo është e drejta jote! Por nuk mund ta mohoni se që kur selfie u bë një fenomen global për shkak të popullaritetit të kamerës së përparme të iPhone dhe aplikacioneve të mediave sociale si “Instagram”, selfiet kanë ndikuar në psikologjinë e përdoruesve.
Rrjedhimisht, me rritjen e aplikacioneve të mediave sociale dhe kulturës së influencuesve në 10 vitet e fundit, ka pasur kërkime që zbulojnë se si mediat sociale mund të ndikojnë personalisht në vetëvlerësimin tuaj. Nuk është tronditëse që fotot e edituara mund të na lënë me ndjenja depresioni, frike dhe mungesë besimi në vetvete.
Hulumtimet tregojnë se ata që bëjnë shumë selfie kanë vetëbesim më të lartë.
Në vitin 2018, Journal of Health Psychology publikoi një studim mbi gratë e reja kineze dhe efektet që selfie-t kishin në vetëbesimin e tyre. Rezultatet treguan se lidhja midis postimit të selfieve dhe vetëvlerësimit ishte dukshëm pozitive.
Në mënyrë të ngjashme, nëse jeni kundërshtues ose kritik i selfie-ve, hulumtimet e mëtejshme tregojnë se nuk ka një lidhje midis praktikës së vetë-fotografisë dhe narcizmit.
Sidoqoftë, ka disa paralajmërime për lidhjen midis selfie-ve dhe vetëvlerësimit, duke i bërë gjërat pak më komplekse sesa ajo që bie në sy.
Problemi është pasi bëni selfie, kjo pjesë mund të jetë e dëmshme për vetëvlerësimin tuaj.
“Elite Daily” e trajtoi këtë enigmë në vitin 2018, duke përmendur se ka padyshim një marrëdhënie shkak-pasojë midis selfieve dhe mediave sociale. Ndërsa selfiet mund të kenë një ndikim pozitiv në shëndetin tonë mendor, studiuesit nuk mund të thonë të njëjtën gjë për mediat sociale. Sa më shumë që lundrojmë në mediat sociale, aq më shumë jemi të prirur për të gjykuar pamjen tonë fizike, sipas një sondazhi të bërë nga “FitRated”.
Për më tepër, “Research Digest” diskutoi një studim të vitit 2018 për vajzat adoleshente nga “Journal of Children and Media”, i cili zbuloi se ndërsa bërja e selfie-ve nuk ndikon negativisht në shëndetin tuaj mendor ose vetëvlerësimin, editimi i njollave dhe formave fizike mund të bëjë shumë dëm.
