U raportua se Kendall Jenner dhe Devin Booker u ndanë por si është e vërteta?
Tashmë ky thashethem ka rënë poshtë pasi burime për E!News konfirmojnë se dyshja janë bashkë. Vetë Kendall ka publikuar një foto në story ku ka ngritur sërish dyshimet.
Modelja e njohur dhe ylli i NBA janë parë bashkë sërish.
E!News thekson se ata i kanë zgjidhur mosmarrëveshjet dhe gjithcka mes tyre po shkon për mrekulli.
“Ajo dhe Devin janë rikthyer bashkë. Ata i zgjidhën çështjet që kanë pasur dhe vendosën të ecin përpara dhe të jenë bashkë”, thotë burimi.
Në foton e postuar nga Kendall, shihet modelja e cila ka veshur një fustan jeshil të errët dhe krah saj shfaqet dhe një mashkull, që E!News konfirmon se është Devin.
Shumë u diskutua raporti i tyre më herët. U tha se ata i dhanë fund lidhjes mirëpo e vërteta qenka ndryshe.
Burime pranë dyshes thonë se ata të dy tashmë janë fokusuar te ardhmja e tyre.
Jenner dhe Booker ndezën thashethemet e ndarjes në fund të qershorit pas dy vitesh lidhje, dhe jo shumë kohë pasi ishin të dy në dasmën e Kourtney Kardashian dhe Travis Barker në Itali.Ata filluan të takoheshin në pranverën e vitit 2020, por nuk e bënë publike lidhjen deri në Ditën e Shën Valentinit 2021 kur Jenner postoi një foto të saj dhe Booker duke u përqafuar në Instagram.
