Zaimina Vasjari ka folur për herë të parë pas lindjes së vajzës së saj, të cilën e pagëzoi me emrin Khloe.
Në një lidhje në “Skype” për emisionin ‘Pop Culture” ajo tregoi emocionet e pas lindjes. Zaimina u shpreh se tani është e përkushtuar tërësisht ndaj vajzës dhe ndihet aq mirë sa do të donte ta kishte bërë më parë një fëmijë.
Ndërsa u ngacmua nga moderatori se kujt i ngjan vajza, Zaimina pranoi se ajo ka marrë hijen e partnerit Klodi, edhe pse në fillim dukej se i ngjante Zait.
Moderatori e pyeti nëse i jepte apo jo qumësht gjiri vajzës së saj, pasi shumë nëna të reja nuk e bëjnë një gjë të tillë, për të ruajtur format e gjoksit.
“Për Khloe unë bëj gjithçka. Jam shumë e lumtur. Çdo gjë e imja tashmë sillet rreth Khloe. Më beso që nuk kam menduar asnjëherë për veten time para Khloe, kështu që çdo gjë që është e mira për të është bërë nga ana ime. Cicat aty janë i bëj prap”, tha duke qeshur Zaimia, duke lënë të kuptohej se vogëlushen e ushqente me gji.
