Njeriu më i pasur në botë, Elon Musk, foli me presidentin rus Vladimir Putin rreth asaj se çfarë do të duhej për t’i dhënë fund luftës në Ukrainë pak para se ai të propozonte publikisht diçka të ngjashme me skicën e Putinit, pretendoi themeluesi i Eurasia Group, Ian Bremmer të martën, megjithëse Musk mohon se ka pasur ndonjë bisedë.
Bremmer shkroi se Musk i tha atij drejtpërdrejt për bisedën me Putinin dy javë më parë, sipas një kopje të emailit të parë nga Forbes dhe të raportuar fillimisht nga Vice.
Putin i tha Musk se Ukraina duhet të pranojë minimalisht disa kushte, duke përfshirë njohjen e Krimesë dhe rajoneve lindore të Ukrainës Donetsk dhe Luhansk si territor rus dhe angazhimin ndaj neutralitetit, sipas Bremmer, një shkencëtar politik dhe konsulent që dha lajmin e takimit sekret të Presidentit të atëhershëm Donald Trump me Putin në 2017.
Këto kushte janë mjaft të ngjashme me atë që Musk propozoi në një sondazh në Tëitter javën e kaluar: Miliarderi bëri thirrje që Ukraina të mbetet neutrale dhe zyrtarisht t’i dorëzojë Krimenë Rusisë dhe sugjeroi mbajtjen e referendumeve të mbikëqyrura nga Kombet e Bashkuara nëse territoret e pushtuara ukrainase duhet t’i bashkohen Rusisë, pasi Kremlini pretendoi se këto territore pothuajse unanimisht votuan për t’u bashkuar me Rusinë muajin e kaluar.
Musk shkroi në Twitter se raporti nuk është i vërtetë, duke thënë se ai “ka folur me Putinin vetëm një herë dhe kjo ishte rreth 18 muaj më parë. Tema ishte hapësira.
