Xhemi Shehun nuk e shohim shpesh nëpër intervista televizive e sidomos për të folur në lidhje me jetën e saj private. Si duket Xhemi e ka “bërë zemrën gur” dhe është rikthyer në ekran për një intervistë në emisionin e mëngjesit “Wake up”.
Sa i përket aludimeve të fundit për ndarjen nga bashkëshorti, Xhemi sqaroi se nuk është ndarë dhe është tejet e lumtur me martesën e saj. Shkak i këtyre aludimeve është bërë një batutë nga anë e Xhemit ku iu referua vetes si “ish-gruaja e Visit”
“Ishte një batutë, nuk jam ndarë, pavarësisht se nuk kam unazat. I heq herë pas here kur dua të lyej duart me krem në darkë dhe harroj t’i vendos. Unazat janë thjesht aksesorë”, tha moderatorja.
Xhemi ka folur dhe për prindërimin duke thënë se është një detyrë shumë e vështirë.
“Prindërimit nuk ia merr dorën asnjëherë dhe çdo ditë e gjej veten në situata të vështira që nuk di të sillem. Fëmijët janë një zbulim i ri çdo ditë. Çdo ditë nxjerrin diçka të re. Jam ‘tërhiq e mos e këput’, pra edhe duhet të jem liberale, edhe strikte, ndërkohë janë në lojë faktorët e jashtëm, që fëmija yt të jetë si të tjerët. Unë nisem nga fëmijëria ime dhe them se ishim shumë mirë. Por gjërat kanë ndryshuar shumë, është një luftë e përditshme. Nuk mund të them se jam një mami e mirë. Ka momente kur ndihem se kam dështuar. E kap veten rrugës, di të them më fal”, u shpreh Xhemi.
