Ne shpesh na thuhet nga ekspertë se e tashmja është në thelb e vetmja gjë që ka rëndësi. “Përqendrohuni në të tashmen,” dëgjojmë shpesh të thuhet, “pasi nuk mund të ndryshoni atë që tashmë ka ndodhur dhe e ardhmja nuk ka ndodhur ende.” Kjo është tamam si një lloj këshille terapeutike.
“Kjo duket se ka kuptim, por nuk mund të mos mendoj shumë për të kaluarën. Në fakt, sa më shumë plakem, aq më shumë më shkon mendja te ngjarjet e jetës sime deri në ditët e sotme. Kjo gjithashtu ka kuptim për mua, vetëm sepse kam më shumë të kaluar (dhe më pak të ardhme!) për të menduar. A është kjo një gjë e keqe duke pasur parasysh gjithë vëmendjen që i kushtohet asaj që mund të quhet “e tashme”? Unë nuk mendoj kështu, pasi truri ynë ruan shumë kujtime”, shkruan Lawrence R.Samuel.
Në fakt nga e kaluara, ne mbajmë mend më shumë çaste jo të bukura e aspak te lumtura të jetës sonë, që në fakt edhe mund t’i kujtojmë shpesh.
“Përtej kësaj, sidoqoftë, shpesh meditoj për filmat e jetës sime kur jam plotësisht zgjuar. Skenat nga marrëdhëniet e kaluara, punët e mëparshme dhe ngjarjet familjare që datojnë që nga administrata e Eisenhower-it… Shtëpia e vjetër që kam pasur më zgjon kujtime të bukura. Por ka edhe momente të vështira nga e kaluara që i kujtoj me keqardhje”, vijon R.Samuel.
Por a na bën mirë të mendojnë shpesh për të shkuarën?
Shumë ekspertë thonë që po. Nostalgjia na bën më pozitiv për të ardhmen tonë si dhe na bën ne që ta shohim jetën si të plotkuptimtë.
Gjithashtu, ekspertët thonë se nostalgjia ju bën ju që të reflektoni më shumë lidhur me përvojat e së kaluarës. Jo vetëm kaq por ju motivon që më pas të përmirësoni sjelljet dhe qëllimet tuaja.
