Leonora Jakupi ka pak kohë që është larguar nga ekrani, ndërsa për jetën e saj informacionet kanë qenë gjithmonë shumë të rralla! Së fundmi u përfol se ajo ishte shkëputur nga tregu muzikor, pasi kurorëzoi në martesë lidhjen e saj.
Pas thashethemeve duket se Leonora vendosi që të sqaronte vetë të vërtetën.
“Asgjë nga ato që janë raportuar nuk është e vërtetë!”, u shpreh këngëtarja e pyetur nëse lajmi i martesës ishte i vërtetë, gjatë një interviste për “Klan Kosova”.
Megjithatë, duket se ajo ka marrë një periudhë pushimi nga ekrani, për t’u përgatitur për të tjera projekte muzikore, që do të publikohen shpejt.
“Jam shumë e angazhuar, pasi jam në përgatitje të materialeve të reja”, tha Jakupi.
Ajo është përfolur rrallë për marrëdhënie dashurore, të cilat nuk i ka konfirmuar asnjëherë.
Një vit më parë këngëtarja u shpreh se dëshiron ta mbaje larg mediave jetën e saj private: “Jeta private, jo vetëm për mua, por për këdo është e shenjtë dhe duhet mbajtur larg vëmendjes së mediave, sepse jeta e personazheve publike është shumë e vështirë, ndryshe nga ç ‘mendohet. Edhe nëse do te martohem e do të kem fëmijë, këtë gjë do të kisha shume dëshirë ta mbaja larg medias. Njerëzit do të kishin shumë dëshirë të dinin cilin burrë do të kishte Leonora, por kjo nuk varet vetëm nga unë, por nga fati qe Zoti ka shkruar për mua”.
