Nëse kthehemi pas në kohë do t’iu kujtojmë se trendin e nxjerrjes së “pjesës së poshtme të gjoksit” e zbuluam në vitin 2002. Ishte koha kur Christina Aguilera u shfaq e veshur në tapetin e kuq të MTV VMAs me një shall të lidhur kryq në pjesën e gjoksit.
Ishte zbulimi i një pjese të gjoksit që e bëri të dukej atë shokuese dhe të mos harrohej.
Vite pasi u zbeh nga jaka V tradicionale dhe zbulimi anësor i gjoksit, tani ky trend ka së fundmi një rikthim. Fillimisht e dalluam kur Teyana Taylor u shfaq në klipin e këngës “Fade” të Kanye West, kur vetëm pak javë më pas u shfaq në pasarelën e koleksionit të ri Yeezy Season 4, duke zbuluar në të njëjtën mënyrë gjoksin.
Në fakt Teyana, tha se ky trend nuk nisi qëllimisht: “Gjoksi im ishte thjesht i madh dhe nuk futej askund”. Në fakt ky trend është kaq “casual” dhe relaksues.
Lady Gaga u dallua gjithashtu në shtator duke veshur disa veshje të ngjashme.
Gjithashtu modelet si Bella Hadid, Gigi Hadid dhe Kendall Jenner janë gjithashtu fanse të këtij trendi, të cilin e kanë aprovuar.
Në fakt ky trend ka kaluar përtej celebrities deri në stilin e rrugës. Blogerja e famshme Chiara Ferragni u dallua së fundmi në Javën e Modës në Milano veshur me një bluzë me vija të shkurtër, që tregonte disi gjoksin e saj.
Kjo do të thotë se është thjesht çështje kohe para se ky trend të përhapet mes njerëzve.
Burimi: Elle
