Të dhënat më të fundit zbulojnë se injektimet me vaksinën Pfizer dhe atë të Oxford-it sigurojnë dy të tretat e mbrojtjes totale kundër Covid-19. Vaksina Pfizer mundëson imunitet në më pak se dy javë dhe është po aq efektive te të moshuarit sa te të rinjtë, deklarohet për “The Sun”.
Po kështu, burime qeveritare shprehen se e njëjta gjë vlen edhe për dozën Oxford-AstraZeneca. Doza e parë e Pfizer-it uli rrezikun e infektimit me 64 përqind te moshat mbi 80 vjeç dhe me 65 përqind te më të rinjtë. Ndërkohë për ata që morën dozën e dytë, shkalla e mbrojtjes shkoi në 79-84 përqind, përfshirë në këtë rast, të gjitha moshat. Një rezultat i tillë pritet të bëhet publik, fill pasi më herët, shkencëtarët në Izrael paralajmëruan se doza e parë e Pfizer-it nuk është shumë e efektshme në uljen e rasteve të reja. E thënë shkoqur, vëzhgimi më i fundit shkencor nënkupton se me marrjen e vaksinës do të jem tepër të mbrojtur, përkthyer e gjitha kjo në lehtësim masash.
Britania vendosi të zgjasë intervalin kohor midis dy dozave, nga tre javët e rekomanduara prej Pfizer-it, në 12 javë, për shkak të paparashikueshmërisë së furnizimeve. Po kështu, probleme të ngjashme shfaqen edhe në Gjermani, Francë, Spanjë dhe Suedi, të cilat kanë lënë pezull aplikimin e dozave, për shkak të mungesës së të dhënave nga kompania në fjalë.
