Kjo 6-vjeçare nga Rusia është cilësuar si “vajza më e bukur në botë”, duke ndjekur gjurmët e modeles franceze, Thylane Blondeau.
Anastasia Knyazeva tashmë i ka fituar zemrën shumë fansave në internet, të cilët e kanë cilësuar atë si një kukull me sytë e mrekullueshëm blu.
Ajo është një modele, ndërsa ka pozuar për një numër fushatash, përfshirë edhe markën ruse “Chobi Kids”.
Thylane u cilësua kur ishte 6 vjeçe, para 10 vitesh, si “vajza më e bukur në botë” dhe u bë modelja më e re që shfaqej në “Vogue” në Francë.
Anastasia ka mbi 500,000 ndjekës në llogarinë e saj “Instagram”, e cila drejtohet nga nëna e saj Anna. Kjo e fundit poston fotografi të vogëlushes, të cilat marrin qindra komente nga vende të ndryshme të botës, deri në Indonezi apo Brazil.
“Unë mendoj se kjo është vajza më e bukur në Tokë”, shkruan një komentues, ndërsa një tjetër thotë: “Sa sy të bukur”!
Nëna e saj ka nisur të publikojë foto të vajzës që në korrik të 2015-s, kur Anastasia ishte vetëm 4 vjeçe.
Burimi: Daily Mail
