Takimet e para me dikë shpesh të shtyjnë t’i bësh vetes disa pyetje të tilla si: Ku po shkoj me këtë lidhje? A kemi një të ardhme së bashku?”
Por, psikologët thonë se duke i bërë personit tjetër një pyetje mund të zbulosh gjithçka që të duhet të dish për të dashurin tënd të ri.
“Pse je ende beqar”?
Sipas Dr. Robert Maurer, pyetja në të vërtetë ka aftësinë të parashikojë “shëndetin e marrëdhënies suaj të ardhshme”.
Mënyra sesi përgjigjet partneri juaj potencial, zbulon shumë për të – por veçanërisht nëse ai nuk e merr “fajin” përsipër.
Për shembull, Dr Maurer sugjeron të dëgjoni për të parë nëse mban ndonjë përgjegjësi për mosfunksionimin e lidhjes së tij të fundit.
Nëse ai nuk fajëson veten, por në vend të kësaj luan viktimën, Dr Maurer beson se ju duhet t’i jepni fund lidhjes me të, sepse duhet të “kërkoni dikë që është i gatshëm të shikojë burimin e problemit për zgjidhjen e tij”.
Por nëse ai e merr pyetjen tënde si një kompliment dhe zbulon se është në gjendje të marrë përsipër një pjesë të fajit që lidhja e fundit e tij dështoi, atëherë marrëdhënia juaj mund të funksionojë në një afat të gjatë.
