Në korrik u zbulua lidhja e re e Rita Orës me regjisorin me origjinë greko-franceze, Romain Gavras. Dyshja kaloi pushimet së bashku, mirëpo ata janë kujdesur që të mos shfaqen shumë të afërt me njëri-tjetrin në publik.
Por duket se këtej e tutje ata kanë vendosur të mos fshihen më e ta shfaqin publikisht dashurinë. Së fundmi Rita dhe Romain janë fotografuar bashkë rrugëve të Londrës, duke ecur krah për krah me njëri-tjetrin.
Madje duket se gjërat mes tyre janë bërë familjare, pasi Rita dhe Romain i janë bashkuar në një kafe motrës së këngëtares, Elena Ora.
Ata janë parë së fundmi duke u larguar nga restoranti meksikan “Taqueira” në Londër dhe sytë na shkuan tek dora e Ritës!
Ajo mbante në gishtin e fejesës një unazë e cila i bëri të gjithë të dyshojnë se është fejuar me Romain.
Por, ditën e sotme mediat shkruajnë se diçka e tillë nuk është vërtetë. Kjo pasi Rita është parë së bashku me një mike në rrugët e Notting Hill, teksa shihej me veshje sportive dhe në sy ra se nuk e kishte më unazën.
Si duket ka qenë thjesht një aksesor plotësues dhe ata vijojnë lidhjen e tyre në të njëjtat ujëra.
