Nuk ka asnjë argument me faktin se rezultati përfundimtar duket perfekt, por a janë të këmbyeshme mjetet e grimit si lapsat e buzëve, pigmentet e rimeleve dhe produkte të tjera për sytë? A mund të përdorni vërtet një laps buzësh për të krijuar një “look” të syve? A ka ndonjë rrezik nëse e bëni këtë?
Problemi me këto lloje të tendencave të bukurisë është se, ndërsa ato janë jashtëzakonisht krijuese dhe mund të rezultojnë në disa pamje mjaft unike, ka shqetësime rreth sigurisë.
Pra, a është e sigurt të përdorni një laps buzësh në sytë tuaj apo ndërrimi i këtyre produkteve mund të shkaktojë probleme?
Sipas Allure, është e rëndësishme të tregohet kujdes kur përdorni këtë “hack”. Artistja e grimit “Kasey Adam Spickard” shpjegon se “ka udhëzime mjaft strikte të përshkruara nga Administrata e Ushqimit dhe Barnave (FDA) në lidhje me atë që është kozmetikisht e sigurt për sytë”, që do të thotë se një produkt i prodhuar për përdorim në buzët tuaja mund të mos jetë i sigurt për t’u përdorur në sy.
“Ginger King”, një kimist kozmetik është plotësisht kundër përdorimit të produkteve të buzëve rreth syve, sipas Allure. “Pigmentet nuk janë të këmbyeshme. Dikush mund të ketë një reaksion alergjik si qepalla të fryra,” duke shtuar se nëse një produkt buzësh është përdorur në buzët tuaja, ai mund të ketë mikrobe, gjë që mund të çojë në një sërë problemesh me sytë.
