Pas shkëmbimit të puthjes së parë tashmë Einxhel dhe Dj Dagz emërohen si çifti më i ri në shtëpinë e “Big Brother VIP”. Momentet më të bukura romantike ato i kanë kaluar para pak ditësh në suitë, duke përqafuar dhe puthur njëri-tjetrin pa komplekse dhe pa pasur frikën e kamerave që ndodheshin brenda në dhomë.
Edhe pse me ulje ngritje si çdo marrëdhënie tjetër Einxhel disa herë është shprehur kundra lidhjes brenda shtëpisë pasi nuk i pëlqen që raportin e saj ta shijojë në sy të të gjithëve. Por edhe pse Einxhel thotë këto fjalë, veprimet e saj përcjellin një tjetër mesazh dhe dëshirë.
Dyshja shihet shpeshherë nën shoqërinë e njëri-tjetrit duke u përqafuar e duke i kushtuar kohë e rëndësi partnerit e anasjelltas.
Si çdo natë tjetër Einxhel dhe Dj Dagz ndajnë të njëjtin krevat, duke fjetur e duke u zgjuar pranë njeriut që kanë më shumë përzemër brenda shtëpisë së “Big Brother”.
Por mëngjesi i sotëm ka qenë mjaft i bukur për të dy. Ata janë zgjuar nën tingujt e këngës “Psikopatja jote” e kënduar nga ish-banorja e shtëpisë Fifi dhe Mc Kresha.
Dj Dagz sapo ka dëgjuar këngën i është drejtuar Einxhel duke thënë:
“A është dashni kjo që po ndodh?”
Nga ana tjetër Einxhel as nuk pohon dhe as nuk mohon asgjë. Ndërkohë Dj Dagz vazhdon duke kënduar të gjithë këngën e në këtë rast mjaft mirë mund të themi se po ia dedikon Einxhel.
Rikujtojmë që dyshja është në nominim këtë javë bashkë me Ilirin, vendim ky i marrë nga vetë banorët.
