Artisti Gjon Karrica dhe reperi i njohur, Stresi janë dy banorë kaq shumë të komentuar dhe gjatë gjithë kohës në qendër të vëmendjes në BBV Kosova.
Mirëpo, dy artistët kanë bërë një diskutim së bashku, duke hapur temën e “jetës pas vdekjes”.
“Nuk mundem me e kuptu, këto yjet që janë në qiell, unë mendoj që është e vetmja teori që tregon se ku shkon shpirti. Ka diçka më të madhe, është një fuqi shumë e madhe, galaksia nuk ka fund. Nuk e di nëse ka botë tjetër paralele, ku është Stresi por jo në Big Brother, atje je duke bërë diçka tjetër”, ka thënë Lugati.
Ndërkohë, Stresi ka thënë ndër të tjera se beson në një jetë pas vdekjes
Të nominuarit e kësaj jave janë Shota Baraliu, Stresi, Xhuli Nura, Andi Artani dhe Vivien Thano. Ndërkohë, sonte pritet që dikush të eliminohet nga shtëpia.
Misioni i Stresit në “Big Brother Vip Kosova” është vetëm një: Të rikthehet me ish-partneren e tij Keisin! Dhe me sa duket reperi është gati të bëjë gjithçka për ta realizuar këtë, madje edhe të përgjërohet publikisht.
Stresit, emri i vërtetë i të cilit është Arkimed Lushaj, iu drejtua pyetja se çfarë do t’i mbetej pishman në aventurën e “BBVK” nëse eliminohet. Përgjigja e reperit ishte tepër troç dhe e qartë, teksa iu përgjërua publikisht Keisit që të shkojë ta takojë atje.
“Kjo është aventura më e mirë që kam kaluar në jetën time dhe besoj që do jetë e fundit, por nëse dal do jetë pishman… nëse gjithë kjo shtëpi e madhe “BBVK”, nëse do dal nesër do jetë pishmani i jetës nëse do ma realizojnë ëndrrën time, që bashkëshorten time të ma sjellin këtu. Keisi të përgjërohem hajde, ma plotëso dëshirën mua dhe të gjithë atyre që ma duan të mirën edhe ik kur të duash. Ky është misioni im, që të fitoj dashurinë time më të madhe të jetës”- u shpreh Stresi.
