Deri më tani nuk është bërë asnjë njoftim në klubet e natës së Tiranës, se Era Istrefi do të jetë e ftuara e tyre për të performuar.
Si fillimjavë ndoshta është herët për të menduar se ku do ta kaloni fundjavën, por ndoshta edhe herët për të bërë publik vendin se ku ajo do të përformojë.
Ose ndoshta nuk ka qenë aspak kjo arsyeja se pse Era ndodhej në kryeqytetin shqiptar, për të kaluar një mbrëmje të qetë me miqtë e saj.
Këngëtarja nga Kosova u dallua mbrëmjen e së hënës në një nga lokalet e Tiranës, ndërsa shijonte pijet me katër persona të tjerë. Nga fotografitë e publikuara nga “Iconstyle” dallohet e ulur në tavolinë dhe më pas kur largohet nga ambientet e lokalit rreth orës 23.30.
Burimi tha për “Iconstyle” se këngëtarja shoqërohej nga i dashuri, njëkohësisht edhe menaxheri i saj, Faton Shoshi. 22-vjeçarja shfaqet e veshur me stilin e saj, pantallonat e shkurtra xhinse, kombinuar me top-crop, bluzën e gjatë dhe çizmet, të gjitha të zeza. Ndërsa detaji që dallohej ishte se të gjithë mbanin një kapelë me strehë në kokë, një aksesor i kthyer tashmë shumë në modë jo vetëm për ditën.
Ndërkohë që presim të mësojmë arsyen e ardhjes së Erës në Tiranë, për jetën e natës apo për punën e saj!
*Shfleto galerinë
Burimi: Iconstyle
