Ajo është legjenda e modës! Naomi Campbell tregon bukurinë e saj në koverin e revistës “Paper”, për numrin e shtatorit.
Revista e pyet supermodelen ikonë për të reflektuar tri dekadat e saj të fundit në industrinë e modës, ndërsa pozon me veshjet e disa dizajnuesve.
46-vjeçarja është befasuese në koverin e “1000 Beautiful People” të Paper, ndërsa pozon me një fustan të bardhë nga Viktor & Rolf Haute Couture, ku tyli fokuson më shumë fytyrën e saj të bukur.
Teksa fotografohet nga Paola Kudacki, Naomi shfaqet me një bukuri natyrale. Ikona e modës u shfaq për herë të parë në koverin e një reviste në 1986-n, kur ishte vetëm 16 vjeç dhe ndërkohë që është një nga modelet më ikonë në këtë biznes, nuk ka asnjë problem që të udhëzojë të tjerat.
“Nëse një modele e re më kërkon për ndonjë këshillë ose nëse do të mund ta ndihmoja, do ta bëja. I mbështes shumë artistët e rinj, fotografët e rinj, modelët e rinj. Nuk ka asgjë të keqe me të ndarit: Unë mendoj që ju duhet ta bëni. Dhe unë nuk pres asnjëherë asgjë në këmbim”, shprehet supermodelja për revistën.
Naomi së fundmi është bëri imazhi i koleksionit të Rihanna-s, “Fenty Puma” vjeshtë 2016 dhe 28-vjeçarja shprehu javën e kaluar se, sa e bekuar ishte të kishe modelen si një mike dhe si një frymëzim. 46-vjeçarja shpjegoi për “Paper” se, pavarësisht se lavdërohet për bukurinë e saj të përjetshme, ajo sigurohet që të rrethohet nga njerëz që janë të bukur jashtë dhe brenda.
“Ata nuk janë për të rënë në sy, por të sinqertë. Ata janë besnikë dhe të ndershëm, si dhe ata janë me ty kudo duke qenë vetvetja dhe të vërtetë”, tha ajo për miqtë e ngushtë, përfshirë dizajnuesin e “Givenchy”, Riccardo Tisc dhe familjen e Versace-s.
Riccardo së fundmi e drejtoi Naomi-n në videon “Drone Bomb Me” nga Anohni, ku modelja shfaqet duke lotuar ndërsa lëviz buzët sipas fjalëve të muzikës, e ulur në një karrige.
“E përdor eksperiencën e së kaluarës për të qenë atje, për të imagjinuar nëse do të jetoja në një vend ku do të më hidheshin bomba. Unë thjesht u përpoqa për të shkuar në atë vend”, tregon ajo për xhirimin.
Në një nga imazhet ku Naomi shfaqet me dy veshë lepurushi në kokë nga Atsuko Kudo, mban të veshur një bluzë si të grisur dhe reçipeta nga Dolce & Gabbana.
Naomi kujton se si kanë ndryshuar setet fotografike të saj ndër vite: “Ne kishim këto udhëtimet e mahnitshme, ndërsa tani thjesht ikim atje dhe nisim. Koha është më e shkurtër”. Ajo shprehet se besimi i saj si modele nuk ka ndryshuar: “E dua atë që bëj dhe entuziazmi është i njëjtë. Modelet kalojnë një kohë të vështirë, kur duan të kalojnë në diçka tjetër. Dhe unë nuk e mendoja se do të isha kaq e mbështetur. Ndihem shumë e bekuar për mundësinë që më është dhënë për të shprehur veten time në mënyra të ndryshme”.
*Shfleto galerinë
Burimi: Daily Mail
