Një ndër këngëtaret më të suksesshme shqiptare është padyshim Elhaida Dani, rikthimi në Tiranë i së cilës bëri shumë bujë.
Mesa duket një projekt i madh fshihej pas gjithë punës së artistes në vendin tonë.
Para pak ditësh ajo ka publikuar albumin e saj më të ri, të titulluar “Zanin”. Ai përbëhet nga 5 këngë “Zanin”, “Jam betu”, “Kënga jonë”, “Amore”, “Hajmali”, të cilat janë shoqëruar me videoklipe.
Së fundmi ajo ka qenë e ftuar në emisionin ‘Rreze Dielli’ ku foli për projektin e saj muzikor si edhe rrëfeu më tepër edhe për familjen dhe dashurinë.
Artistja ka treguar se fama ia kushtëzuar përherë jetën e saj private, por kjo është një rrugë të cilën e ka zgjedhur dhe dashur gjithmonë.
‘’Absolutisht shumë, fakti që jeta ime është tre muaj në një kontinent, tre muaj në një kontinent tjetër ndikon në mundësinë e të pasurit një jetë private konstante por e kam njohur jetën time, e kam kërkuar vetë këtë lloj jete e kam dashur shumë dhe kam punuar për ta pasur sa jam në një pikë dhe e kam kuptuar para disa vitesh që është ok dhe personi që më rri në krahë e di shumë mirë, duhet ta dijë shumë mirë këtë gjë, duhet ta pranojë dhe duhet të dijë si të komunikojë edhe ta bëjmë diçka pozitive edhe largësinë time shumë intense”, u shpreh ajo.
