Amarda Toska dhe Ermal Mamaqi janë një ndër ciftet më të komentuar dhe të dashur të showbizit shqiptar. Mirëpo, së fundmi Ami ka zhvilluar një “ask me a question” ku ka pritur pyetje dhe komente të ndjekësve.
Ajo u pyet nëse “e këshillon ndonjëherë Ermalin për komentet që jep publikisht?”
Amarda ka zbuluar se ajo komunikon për gjithcka me Ermalin. Sa i takon gjërave që aktori e moderatori thotë në publik, Ami e konsideron si njeri mjaft të përgjegjshëm.
“Ne komunikojmë shumë për çdo gjë që e quajmë të rëndësishme. Ndërsa për atë që thotë në publik nuk mendoj se duhet të këshillohet akoma se është boll i përgjegjshëm se çfarë thotë. Ermali ka një të mirë të madhe që është shumë i hapur ta thotë troç atë që mendon dhe kështu bën. Kuptohet që në disa raste ka edhe të lënduar.”– shkruan Ami.
Më herët, Ami ka treguar për herë të parë historinë se si u bë pjesë e emisionit humoristik “Portokalli”.
Gjatë një interviste për “Ëndërrtjerrësit”, Ami është shprehur se nuk e kishte menduar asnjëherë që do t’i jepej mundësia për të qenë prezantuese.
Më momentin që ajo ka arritur në audicionin final, Amarda tha se ka pasur edhe një lloj presioni, pasi sipas saj, ajo vinte nga shkolla e baletit, pa eksperienca.
“Gati gati e pabesueshme. Kur m’u propozuar dhe kur kam shkuar për audicion, realisht nuk e mendoja. Ishte një gjë që m’u tha edhe nuk e besoja që do më jepej mundësia që ta bëja. Edhe kam shkuar disi pa emocione sepse e dija që nuk do ishte gjëja ime në fund të fundit. Pastaj kur më thirrën për herë të dytë, ka diçka që do më çoj më tej. Mirëpo nuk e besoja deri në momentik kur ishte audicioni final. Aty kam pasur edhe një lloj presioni. Ishte emër i madh, peshë e madhe të mbaje atë pozicion. Unë vija nga baleti, kisha eksperienca sporadike, fare të pashpërfillshme për të mbajtur emrin e ‘Portokallisë’.”- u shpreh Ami
