Sara Hoxha ka qenë e ftuar sonte në emisionin “Më lër të flas” në “Top Channel”. Ajo ndër të tjera foli për sekretin e suksesit të “Big Brother VIP”, ku tha: “E para nuk e kam bërë e vetme, kam pasur shumë njerëz të aftë afër vetes. Çelësi i suksesit ka qenë kasti spektakolar që kemi pasur dhe historitë njerëzore. Puna e palodhur e stafit ishte gjithashtu e rëndësishme, realisht ne u dashuruam me atë projekt, fillimisht e morëm me frikë por më pas as në shtëpitë tona nuk shkonim sepse merreshim me një shtëpi të madhe me 20 njerëz”.
Jo vetëm kaq por ajo foli dhe për jetën personale. Sara theksoi se nuk kanë gjetur një emër për vajzën, madje janë ende në dilemë.
“Unë zakonisht dal flas për intervista kur kam një projekt të madh siç është projekti im për momentin. Jam gjashtë muajshe, me dy fëmijët e parë ishte vendosur që në muajin e dytë, por goca e Ledionit është më e veçantë se sa çunat e Ledionit dhe asgjë nuk e bind për momentin. Ma ndërron edhe akoma jemi pak në dilemë”, theksoi Sara.
Mirëpo, Donaldi e ngacmoi duke i thënë se nëse emri i vajzës do të jetë një emër qyteti.
“Jo, do të ishim qesharakë”, tha ajo.
Ja si vijoi më tej biseda:
Donald Veshaj: Ku e keni krijuar vajzën?
Sara Hoxha: Ishim në Vjenë.
Donald Veshaj: Aa Vjena.
Sara Hoxha: Nuk e ka emrin Vjena.
Donald Veshaj: Vjena është emër shumë i bukur, por në fakt është emër zysh matematike.
Sara Hoxha: Nuk besoj të ketë emër qyteti.