Pas shumë aludimesh, Ilir Shaqiri dhe bashkëshortja e tij Emanuela janë martuar për herë të dytë në një ceremoni mjaft madhështore në Durrës. Emanuela festonte edhe ditëlindjen duke e bërë atë ditë dyfish të vecantë. Të pranishëm në dasmë kanë qenë familjarë, miq por edhe personazhe mjaft të njohur të ekranit.
Edhe pse tashmë të martuar, Iliri ka dashur gjithmonë të ketë një dasmë me shumë të ftuar dhe ka ndarë disa detaje më shumë nga dasma. Ai tha që pas celebrimit të ftuarit u ulën në tavolinat që mbanin emra të vecantë si psh Tirana apo Milano. Iliri u shpreh se ishte shumë e rëndësishme të kërcente me këngën e vajzës së tij, Emily. Ai ka përmendur disa emra të njohur që performuan si Orgesa Zaimi, Gena, Inva Mula dhe madje dhe Ermal Mamaqi.
Për sa i përket listës të ftuarve Iliri u shpres se – “Kishte mungesa shumë. Kishte njerëz që kishin punë dhe nuk mund të vinin, që i mirëkuptoj. I falenderoj të gjithë ata që erdhën. Sabi e ka marrë ftesën i pari, së bashu me banorët e tjerë të shtëpisë. Ai ka pasur punë dhe e mirëkuptoj. Nëse dhe unë do të ftohem diku dhe kam punë, shpresoj të mirëkuptohem dhe unë. Kur të hahet fjala me një person, kjo ndodh edhe brenda shtëpisë edhe jashtë. …Donaldin nuk e ftova”.
Kështu i dha fund thashethemeve se Sabiani, me të cilin pati një raport mjaft të ngushtë brenda shtëpisë së BBV, nuk ishte ftuar në dasmë.
Iliri është pyetur gjithashtu për planet për të ardhmen ku është shprehur – “Unë dëshirat nuk i them dhe i mbaj për vete deri në momentin që realizohen. Kam dy shfaqje në Romë me nxënësit e mi, pastaj kemi një pjesëmarrje në Korçë që kam drejtimin artistik që na ka dhënë Inva Mula. Pastaj janë të gjitha këto eventet në Itali”.
