Përpara se të fillosh të ankohesh sesi Tirana ka mbetur bosh, kanë ikur të gjithë në Jug ose me pushime jashtë sepse në Jug të ikën 50-tshja që në mëngjes si të jetë 2 mijë leksh… përqëndrohu! Kryeqyteti ynë i dashur nuk është aspak bosh. Përkundrazi!
Tirana gumëzhin dhe është plot me vende e njerëz interesantë duke filluar nga ne të parët (na ndjeni për modestinë), ty që po na lexon dhe një grup i madh yjesh siç është komuniteti i Snapfood. Do thuash ti: Nga ta di unë ku jeni ju? Nuk ke ditur akoma ku dhe si të kërkosh!
Prandaj harta e Snapfood është një thesar i vërtetë, spese përveçse të lejon të zbulosh njerëz të rinj apo të gjesh aty miqtë e tu, të ndihmon të kuptosh se cilat janë zonat më “in” në Tiranë, pra ku ka argëtim dhe njerëz interesantë. Mjafton të shohësh ku është përqëndrimi më i madh i Snapfoodies në hartë dhe voila, e kupton se ku po bëhet nami.
Dëshiron të dalësh sot në mbrëmje po nuk e ke idenë ku të shkosh? Bëhu gati dhe para se të dalësh, hap hartën. Fillo zvogëloje dalë ngadalë distancën tek konfigurimet dhe nëse sheh një përqëndrim të madh avatarësh për shembull tek rruga Mustafa Matohiti (a.k.a. rrugica e Salës) atëherë ai është vendi i duhur. Bëhu ylli që je dhe përgatitu për një mbrëmje argëtuese.
Nëse dhe ti dëshiron të jesh pjesë e këtij komuniteti dhe të influencosh me vendndodhjen tënde, atëherë duhet t’i japësh akses aplikacionit që të përdorë vendndodhjen tënde në çdo kohë, në mënyrë që miqtë e tu apo edhe Snapfoodies të tjerë nëse e ke profilin publik, të mund të shohin ku ndodhesh nëpër Tiranë.
