Sëmundja e lisë së majmunëve ka qenë në vemendje kohët e fundit, teksa rastet po identifikohen ghuthnjë e më shumë nëpër botë.
E ndërsa situata pretendohet së është në kontroll a duhet të shqetësohemi nga dyndja e tifozëve në shtetin tonë?
Sonte mbahet në stadiumin “Air Albania” finalja e madhe të Conference League mes Romës dhe Feyenoord-it dhe fansat e klubeve nga Italia dhe Holanda kanë zbarkuar në kryeqytet.
Deri më tani nuk ka patur ndonjë rast të identifikuar në shqipëri por situata e tanishme ka rritur gjasat.
Drejtori shkencor i “Shoqatës Italiane të Sëmundjeve Infektive dhe Tropikale” është shprehur se më shumë rrezik ka virusi Covid, sesa lija e majmunëve.
“Është më e lehtë për dhjetëra mijëra njerëz, duke përfshirë tifozë italianë dhe holandezë, të shkëmbejnë pak Covid sesa linë e majmunit. Më duket e vështirë të krijoj një shpërthim, në Shqipëri nuk ka raste të lisë së majmunëve dhe në Itali janë shumë pak.”- u shpreh ai.
Lija e majmunëve nuk ka tendencë të përhapet lehtësisht midis njerëzve dhe sëmundja zakonisht është e lehtë.
Virusi është më i zakonshëm në pjesët e largëta të Afrikës Qendrore dhe Perëndimore.
Më shumë se 80 raste janë konfirmuar në shpërthimin e fundit në Evropë, SHBA, Kanada dhe Australi.
Ky shpërthim i ka habitur shkencëtarët, por rreziku për publikun e gjerë thuhet të jetë i ulët. Shumica e njerëzve që kapin virusin shërohen brenda pak javësh, sipas Shërbimit Shëndetësor Kombëtar të Mbretërisë së Bashkuar.
Organizata Botërore e Shëndetësisë ka thënë se një numër rastesh të tjera të dyshuara janë duke u hetuar, pa përmendur vendet e përfshira si dhe paralajmëroi se ka të ngjarë të konfirmohen më shumë infeksione.
